新牌仔陳庭欣兜圈搵路

將卸任的港姐冠軍陳庭欣，剛考獲車牌，近日愛駕駛父親的座駕四出遊車河。日前下午4時，陳庭欣在九龍灣出席活動後，充當柴可夫載兩位好姊妹莊思明及彭慧中離開。家住港島區的她，未知是否不熟九龍區路段，她駛入工業邨後不停兜來兜去搵路，一個路口行了幾次才駛出大路，再經紅隧過海。為撇甩記者，陳庭欣曾一度在隧道口前Cut線，但未能成功。

此時，車上的彭慧中擰轉頭向尾隨的記者豎起拇指，陳庭欣則高舉雙手拍掌，其後直駛莊思明的貝沙灣寓所，至晚上7時，陳庭欣獨自駕車返回黃竹坑香閨。另外，陳庭欣在微博自嘲駕駛技術差：「請原諒我呢個駕車技術差勁同唔太識九龍路嘅新牌仔！」

陳庭欣自嘲駕駛技術差，不太熟悉九龍區路線。

剛考獲車牌的陳庭欣，座駕仍掛上P牌。