許穎篤胸堅稱天然

o靚模許穎昨日以嘉賓身份「胸降」動漫節場館，跟同場的日模松岡李那正面對撼，Phoebe極力否認整容，更即場用手篤胸力證冇隆胸！

今年被拒進入動漫節宣傳的許穎（Phoebe），開鑼當日自行買票入場，卻被驅趕離場，昨日她終於成功以嘉賓身份「胸」降會場。為隆重其事，她特別以黑色透視裝性感登場，內裏的豹紋胸圍及深長事業線若隱若現，成功搶鏡！儘管同場的日模松岡李那身穿低胸背心，加上烏身「倒奶」，都被比下去。

靠媽咪遺傳

對於近日再被鄧伊玲（阿旦）暗寸整容，Phoebe用手篤胸堅稱自己真材實料，胸部「軟腍腍」，記者提醒她被質疑的是整容而非隆胸，她說：「我好樂意拎細個嘅相畀大家睇，我13、4歲嗰陣已經同依家差唔多，我唔抗拒整容，但我冇囉！」問到有否隆胸？Phoebe再次使出擒拿手自篤胸部，力證是遺傳自媽咪的豐滿巨咪！而松岡李那表示不會刻意性感，並笑言想在場內搜購Cosplay服裝扮Sailor Moon：「我唔係水着模特兒，所以唔使鬥性感搶鏡，希望用音樂感動歌迷！」

羽翹自嘲AV樣

另外，同場的羽翹以短褲示人，笑指模食得奶粉多故身材好勁，又自爆有朋友讚她似日本AV女優小澤瑪利亞：「我啱啱喺日本畀兩個男人截停我，原來佢想搵我拍AV！我天生AV樣，好慘！（想拍？）冇，但好榮幸囉！」