羅仲謙香蕉成熟時露3點

佘詩曼及羅仲謙等昨日到旺角為電影謝票，首次謝票的阿佘透露可能再拍電影，但先要返內地拍劇；至於謙仔則樂意繼續露兩點，但第三點就要「成熟啲先」！

佘詩曼、羅仲謙、楊梓瑤、傅嘉莉及莊思敏昨日到旺角為電影《人約離婚後》謝票，他們入場派海報，但因通道狹窄塞滿人群，不少市民大為鼓譟。

阿佘獲邀再合作

對於票房理想，謙仔笑言證明他並非票房毒藥，問到下部戲會否繼續露肉？他表示若導演要求及劇本需要也可考慮，但要在舒服的情況下演出：「底線係唔騷重要部位，露兩點OK，第三點就唔露得住。（即係遲啲可以露？）等成熟啲先。」記者即笑問他指『哪個』部位？謙仔笑說：「有得再發育都OK，我係話演技成熟呀！」他表示滿意身形，但演技還要繼續浸淫。

多年沒有擔任電影主角的阿佘成功洗甩電視味，她感謝所有入場觀眾：「咁耐冇拍戲好緊張，好開心反應好，導演葉念琛話直逼五百萬，仲一直加緊場。」她透露導演邀她再合作拍戲，但因檔期撞正內地劇，故仍在考慮：「九月返內地拍劇，一部時裝一部古裝，仲諗緊接邊部，會留到過埋年。（睇酬勞？）唔係睇錢，古裝就發揮多啲，但辛苦啲。」她表示與無綫改簽部頭合約後，時間更易控制，故會把握每一個機會。