Ivana施嗲功軒仔軟晒
張敬軒前晚在澳門舉行巡唱，邀請緋聞女友王菀之（Ivana）和羅力威任嘉賓，軒仔和Ivana合唱張國榮和梅艷芳的經典歌《緣份》。唱畢後，Ivana嬌嗲叫喚軒仔，他即抵死地說：「你咁叫我，搞到我軟晒！」又笑指她穿露肩裝來益他。
而軒仔亦不放過羅力威，公然說：「睇中你。」他笑言睇中羅力威多Fans會多人買飛。其後，軒仔抱小女孩上台，表示小女孩的祖父母已答應將女孩許配他，但「未婚妻」對他很冷淡，軒仔索吻亦拒絕。而演唱最後一曲《預言書》時，軒仔不禁落淚，他解釋因近幾年不少朋友因癌病離開，令他一時感觸，加上擔心母親的病情。軒仔表示因內地醫生診症後有不同意見，為母親健康起見，他日內會陪母親來港入院檢查。
穿露肩裝的Ivana出嗲功，令軒仔當堂軟晒！