洪卓立出咕o臣任人魚肉

歌手洪卓立（Ken）昨日首度踏足動漫節，為其度身創作的漫畫舉行簽書會，他表示除了漫畫書外，更推出肖像咕o臣及公仔等精品：「我好滿意啲卡通人物造型，特別係故事中出現咗唔少關於我嘅事，例如有好朋友威廉（陳偉霆）同舒漫（鍾舒漫）等角色！」他自爆將出版社本打算推出攬枕的計劃取消：「男仔出攬枕好奇怪，出咕o臣男人都可以用，有咩事好嬲就可以當出氣袋咁打我！（你好鍾意畀人打？）我返內地拍戲真係勁畀人打，打到我周身瘀晒，其中一幕導演要我打阿Sa（蔡卓妍），摑佢兩巴再踢一腳！（唔驚陳偉霆打番你咩？）好大壓力！好彩都係借位！」

洪卓立展示肖像咕o臣，又向粉絲揮手，相當Nice。