鋒芝為Lucas生日 破冰會談

鋒芝由熱戀變得無言以對，但霆鋒為了一對寶貝仔，甘願與栢芝破冰。據知，霆鋒為出席下周二Lucas生日會，已跟栢芝作世紀通電！

下月2日是鋒芝大仔Lucas的4歲生日，雖然謝霆鋒和張栢芝已達離婚臨界點，但為了一對心肝椗健康成長，Lucas和Quintus已變成兩人的通話橋樑，不致變成陌路人。

早前5月24日栢芝生日，霆鋒當「冇事發生」，連一眼也沒有見過栢芝，明顯對栢芝情已逝。不過，他對愛兒的態度卻大相逕庭，為了Lucas的生日，據知他已跟栢芝通電話，進行破冰會談。回想月初鋒芝決戰陽明山莊，兩人在90分鐘內只講三句說話，足證霆鋒愛子之情，遠比自尊重要。

返港籌備闔府統請

據知，栢芝也跟霆鋒一樣，不計前嫌邀請霆鋒、拉姑狄波拉、謝賢及謝婷婷等謝氏一家出席Lucas生日會，加上派對很大機會在陽明山莊舉行，霆鋒意向親身到陽明山莊為Lucas慶祝牛一，一旦生日會更改地點，霆鋒惟有在派對前先到陽明山莊送禮物給Lucas，然後提早離開。

至於身在寧波為新片《河東獅吼2》趕工的栢芝，昨日已提早返港為Lucas準備生日會，因為派對會盡請Lucas的朋友仔出席，為免嚇親小朋友，派對暫定在陽明山莊舉行，謝絕傳媒採訪。據知，栢芝原定本月31日返港，但因為同片的小瀋陽要請假陪老婆開工，故劇組也提前放栢芝返港。《河》片投資者余毓興說：「係呀！因為栢芝主要戲份都係同小瀋陽對戲，所以提早放栢芝返香港！」此外，栢芝在網上慰問7.23溫州高鐵意外傷者，祝他們早日康復！

發高燒取消大連騷

對於霆鋒將會到Lucas生日會，其經理人霍汶希（Mani）說：「係呀！霆鋒會去個仔嘅Party，其他嘢就唔回應喇！」而Mani昨午1時在微博表示因為霆鋒高燒未退，所以取消昨晚在大連舉行的演唱會，她接受電話訪問時說：「霆鋒呢幾日一直咳，咳到尾龍骨都痛，一直發高燒，搞到面腫喉嚨腫。其實佢一向都好少病，記得只有一次因哮喘搞到食物敏感要入急症，佢都算係鐵人。我覺得如果今次佢上到機，一定會上囉！不過醫生建議佢唔好飛，惟有盡快通知主辦單位取消，真係好無奈同抱歉！（使唔使賠償？）唔使！不過已退錢畀主辦單位！」