阿旦呼籲o靚模停止鬧交
有「E級教主」之稱的鄧伊玲（阿旦）昨日舉行簽名會，個人寫真集已賣出四千本的她，對於有其他o靚模表示賣約兩萬及四萬本，當中有「篤數」的可能，她呼籲同行少鬧交：「其實我哋入行唔係為出一本寫真，唔好鬧嚟鬧去，冇建設性得嚟又冇幫助，應該望遠啲或者做吓善事。（口孽太多？）都可以積啲口德，佢哋賣咁多，每本捐十蚊囉！或者一蚊都好。」
阿旦將與日本著名AV女優小澤瑪莉亞、台灣藝人黃以安（瑤瑤）出席動漫節開幕，她對自己有信心，不怕比併。阿旦透露其寫真將於台灣推出，但會再影部分新相及重新排版，稍後會到內地出席慈善騷。
