陳慧琳讚囝囝醒目
陳慧琳（Kelly）昨日出席國際品牌LOEWE在海港城海洋中心的分店重開儀式，她表示早前一家人到沖繩旅行，囝囝劉昇十分醒目：「我哋個個都曬傷，得佢冇，因為佢好醒咁匿喺太陽傘下面。有次想食蛋糕但係又唔識得講，就手指指同埋用認字卡去話我知。（幫佢搵緊幼稚園？）都係，依家自己做住Playgroup老師教佢唱歌跳舞，佢仲喺地度碌，以為自己識跳Hip Hop。」不過，她坦言囝囝最緊要聽話，擔心會發生「小學雞事件」。此外，她正籌備婚後首張廣東碟。問到高鐵意外一事，她表示不能擔心太多，並要求當局徹查，預防同類事件再發生。
