被批辛苦命遲婚 Niki女人自強倒貼養仔

周麗淇（Niki）昨日出席手錶展時自爆在北京認識一位高人，對方指她是辛苦命兼遲婚，她坦言不擔心冇人要，強調不介意「包養」真命天子！

周麗淇昨日與樂壇新人朱紫嬈及傅穎（Theresa）等出席由香港鐘錶業總會主辦、在海港城舉行的《Time in Vogue瑰麗永恆腕錶展》活動，Niki透露前晚才由北京返港，昨日出席完活動即晚往廣州出席時裝店剪綵，她表示在北京經朋友介紹認識一名高人，Niki說：「佢話我係辛苦命，仲會遲婚，個真命天子好好。（真命天子幾時出現？）依家要畀心機做嘢先，我都要認命，唔會有人養，自己搵自己使。」

問到擔不擔心倒貼養仔？Niki說：「唔擔心，有得貼證明我有能力，女人自強嘛！」對於內地溫州發生高鐵相撞事件，Niki說：「冇乜留意，真係好慘。（日後少搭內地鐵路？）好難避免，好似一陣搭保母車去廣州，凌晨先返香港都危險，驚司機太攰瞓着，所以我一上車會同司機傾到落車，減低意外發生。」

Theresa想北上尋歡

同場的Theresa被問到新書銷情？她說：「好理想。（模何佩瑜話自己本寫真最好賣？）唔知。」並指眾模為人氣才說出驚人言論，問到是否慶幸不是模界？她說：「好彩自己個名冇喺佢哋中間。（唔怕接唔到招？）接唔到惟有避，波打埋嚟唔一定要接，何況個波咁大。」記者笑言大部分都是假波，Theresa說：「唔識分，每個人質感唔同。（硬膠波？）唔知。」她隨即拉開話題表示下月底會到北京工作，單身的她被問到是否北上尋歡？她說：「都想。（唔驚又上賊船？）上過之後會小心。」

同場的黃伊汶則透露做手錶生意已賺到人生第一桶大金，問是否可以養起緋聞男友陳國坤？她笑說：「人哋賺錢多過我。」