子丹接糕招變花面貓

甄子丹前晚出席電影《武俠》首映禮，大會為昨天（27日）生日的他提早慶祝，豈料「宇宙最強」遭「獨臂刀」王羽玩蛋糕「突擊」頓成花面貓，王羽又向子丹下戰書開續集再打過。

甄子丹、金城武、王羽、湯唯和惠英紅等前晚出席電影《武俠》首映禮，罕有地在港露面的金城武最受歡迎，而他手上亦未見戴婚戒。適逢昨天（27日）是甄子丹生日，大會準備了大蛋糕為他預祝生日，談到生日願望，他說：「希望國泰民安、少啲災難、多啲歡樂、多啲責任。」子丹許願後，童心未泯的王羽即發起玩蛋糕，令眾星齊齊變成「花面貓」。

合作圓童年夢

眾星其後在台上接受訪問，子丹表示隨即要趕飛機到洛杉磯與妻兒團聚，因時差關係還能趕及與妻兒慶祝生日。他又說：「爸爸第一部帶我睇嘅電影就係王羽嘅《獨臂刀》，今次合作有圓夢嘅感覺。小紅亦都跟我媽媽學過功夫，嚴格嚟講佢係我師姐，但係喺戲裏面我哋就打到飛起。」

被前輩打入廠

早前中風的王羽前晚由愛女王馨平陪伴到場，並大顯幽默本色，他回應子丹趕飛機：「佢係唔好意思先走，我係畀子丹打到中風，仲要係八個月後先中風，你話佢犀唔犀利。」子丹則笑說：「大哥太誇張喇！我畀你打到入廠就真。」