羅仲謙焗阿佘着三點式慶功
羅仲謙與佘詩曼等前晚出席電影《人約離婚後》慰勞宴，慶祝新片上映6日已達300萬元票房，並以「爆波」預祝場場爆滿！席間，「巨胸謙」揚言若票房破千萬便偕同片女演員開三點式船P，並笑言巨胸依舊「見得人」！提到最近一同拍劇的楊怡，謙仔即澄清楊怡與黎諾懿純屬好友：「最多一齊食飯傾偈囉！」
對於謙仔的三點式提議，向來守身如玉的阿佘卻不感興趣：「睇吓點先，我怕曬！加上好耐冇着泳衣。（學o靚模出寫真？）冇咁大膽，咁多青春少艾！（當留倩影囉！）港姐嗰陣着泳衣都留夠啦！」並預告將「偷偷」入場欣賞新片。
