李家鼎：當我低B 施明贈言：知足最好
對於楊思琦力數李家不是，李家鼎及施明以不同形式表達不滿，鼎爺嬲爆狂插：「佢話唔夾，又唔搬出去？依家講咁多嘢，當我低B！（點睇思琦？）佢最叻，我打滾咗幾十年都畀佢呃！不過，唔好辣(慶)我，唔係佢就『富貴』！」提到思琦表示兩家人沒有商談婚事，鼎爺激動地說：「擘大眼講大話！佢話阿媽要求擺幾十圍酒！（佢話請過你食嘢？）有幾次，61個半餐飯、16個半買雜物同包煙，最貴係700幾蚊謝師宴，不過佢同我學騎馬都冇交學費！」
而施明則大感委屈，故親撰一篇佛偈，而內容似有所指：「心惡心毒，好變不好；誰是誰非，天知就好。」並奉勸思琦「放下最好……知足最好」。她受訪時說：「九年嚟當佢親生女，對得住天地良心！佢話鍾意狗，之後冇理過，咪又係我哋照顧！」
施明指九年來都當思琦是親生女般疼愛。
李家鼎嬲爆狂插思琦，指她「擘大眼講大話」！（資料圖片）
施明親撰兩大版佛偈送給思琦，勸她「知足最好」。