思琦：一直都係我出錢 願畀「飼養費」養狗

楊思琦承認與豪仔分手的主因是與對方家人關係差劣，有指施明不滿她沒有好好照顧六隻狗，她說：「我第一隻買嘅八哥係『懵懵豬』，佢話我冇負責任，但其實一直以嚟帶狗睇醫生、沖涼同買狗糧都係由我出錢嘅！我唔想畀人覺得分咗手就唔理啲狗！」思琦揚言即使攞唔番仍願意畀「飼養費」：「想等件事平息咗再傾，相信有解決辦法。（最想爭番『懵懵豬』？）隻隻我都想要，即使最後佢哋唔畀番我，都希望佢哋會對班狗仔好啲，我願意繼續負責畀錢養佢哋。」

終認5月與吳帥交往

思琦為令豪仔死心，竟然用上「同第二個男人有喜」做分手藉口，她強調有喜是假的，並親口承認吳帥（Andy Ng）是新男友，並澄清對方並非第三者。她認識Andy比豪仔更早，二人在去年朋友聚會上碰面，直至今年五月才正式交往。有指做貿易生意的Andy曾經欠債不還，思琦沒好氣地說：「知道呢個唔係事實，所以唔回應，但我相信佢！」問到是否年底結婚？她說：「唔講住，如果係會話畀大家知，但現階段仲要努力搵錢，想專注事業！」