(3)許亦妮蜂巢胸誘停蜂 撼低咪神(10)李天縱

14位候選港姐昨日再以比堅尼襲廣州，平日「碎料」的佳麗頓然「回春」，而(3)許亦妮眼見風頭躉地位不保，竟引到「狂蜂」埋身搶鏡，撼低「咪神歸位」的(10)李天縱及先拔頭籌的(5)朱晨麗，真係如有神助！

雖然昨日廣州天氣陰晴不定，仍無損14位候選港姐的「峰」采，在印有似蜂巢圖案的比堅尼「力托」下，「長平」佳麗頓變波濤「胸」湧，加上早前缺席長隆活動的「咪神」(10)李天縱「歸位」，吸引不少酒店住客在露台猛(目及)

期間，不速之客小蜜蜂停留在(3)許亦妮的胸脯上，雖然她不禁面露驚慌，但仍保持鎮定待拍攝完畢，成功搶鏡！早前揚言要減肥的她，肋骨依舊凸出，身形有待「大執」：「我已經瘦咗幾磅，擺甫士都改善咗！（上圍有冇縮水？）呢個係秘密！其實冇度過。（有冇搵到偏方縮肋骨？）你搵到話我知啦！」

稍後將表演唱歌競逐「旅遊大使」獎的許亦妮，自認歌聲「平均」及多才多藝：「我都有諗過表演書法同下廚，但大會覺得唱歌適合啲！」

擔心爆粗唔敢講嘢

至於咪神李天縱解釋因北京的婆婆病危才缺席長隆活動：「之前趕返去探佢，好彩依家已經脫離危險期！」雖然婆婆患病，但她坦言不會因此影響狀態：「今次着泳衣自信心多咗！加上我成日同其他佳麗講廣東話，依家聽同講都好咗！（有冇試過講到變粗口？）之前就係驚爆粗先唔敢講！」

(5)朱晨麗驚胸變細

而早前勇奪「歡樂大使」獎的(5)朱晨麗，獲讚身形最平均，雖然被一致睇好，但她謙稱並非穩佔后座，又希望能減肥保持最佳狀態，她說：「但胸就唔好再細！（你依家係大熱門喎？）多謝！我成日有得訪問都好開心，都有信心嘅！仲有一排先比賽，到時先知係咪去到巔峰！」

此外，朱晨麗又表示全靠媽咪靚湯及男友愛的短訊支持，但不知道男友能否於決賽當晚到場支持。