娜姐大細超唔吼Jeana

今年只推出Apps不出寫真的周秀娜，揚言會花1,600元率先預訂師妹余曉彤（Hidy）的豪華版寫真，但對於與她傳不和的「血管胸」師妹何佩瑜出寫真，娜姐直言只會向公司免費索取，擺明冇面畀！

昨日周秀娜出席在澳門舉行的《第4屆電腦及數碼產品展暨第3屆家居博覽》並擔任開幕嘉賓，她表示書展期間雖會到馬來西亞拍戲，但仍會推出Apps讓Fans下載其最新比堅尼照。問到是否已「升呢」不用跟其他模鬥出寫真？娜姐說：「我都想年年出寫真，但今年冇新Idea，之前出寫真反應好，不過出Apps方便過出書，下載咗就可以日日見到我。（不屑同模鬥？）唔係，我知今年好多人出寫真，我公司嘅女仔都有。（內地女模都出？）我梗係支持自己公司！」

返公司免費攞

今年娜姐兩位師妹余曉彤（Hidy）及「血管胸」何佩瑜（Jeana）均推出寫真，娜姐直言會以1,600元購買Hidy的豪華版寫真，至於Jeana那本她則向公司免費索取：「冇大細超，大細胸就有！Jeana嗰本可以返公司攞，Hidy嗰本係限量版，物以罕為貴，又怕Hidy嗰本買唔到。（邊本突圍？）Hidy嗰本嘅價錢已經突圍啦！超出我預算。」