離港心繫乖孫：掛到心都爛埋
雖然直認靠食安眠藥入睡，但狄波拉與老公鬍鬚Kong昨日現身機場準備往新加坡，心情頗靚兼面帶笑容。問到有否看報紙？拉姑輕鬆地說：「冇呀！你又唔醒份我睇？」記者隨即展示報紙，拉姑邊看邊扁嘴說：「可能唔係你哋想像中咁差呢！唔會嘅。（你點睇件事？）我唔知點講，有得解決嘅。（鋒芝應理智處理？）梗有可能嘅，大家都係……畀啲時間佢哋兩夫妻傾吓啦！」
她又透露霆鋒返港後曾跟她通電話，但未有見面，並指自四月後便沒有見兩名孫兒：「掛到心都爛埋！」對於有指Quintus不認得霆鋒，拉姑即否認：「唔會！可能細得滯，五十幾日冇見！霆鋒又曬黑咗，我都覺得佢個樣變晒。」入閘前，她仍不忘着記者支持鋒芝。
拉姑與老公離港返新加坡，精神看來仍然不俗。
拉姑細心閱讀有關鋒芝的最新消息，希望外界給兩人多點時間解決。