四哥陪愛子打仗
前晚陽明山莊的鋒芝會成為婚變焦點所在，霆鋒父親謝賢（四哥）全程力撐愛子「談判」，還陪着霆鋒行秘道離開陽明山莊。記者前晚致電四哥，他反問記者：「你點知我同霆鋒走呀？（『談判』氣氛如何？）我唔會講！」不過，昨日記者再致電四哥時，他態度軟化默認前晚陪霆鋒離開：「咩情況啫？咪平常咁囉！（兩公婆氣氛點呢？見到孫仔開心嗎？）呢啲點可以講畀你哋聽？」
四哥為撐愛子連日來不時出動，得知霆鋒在中環拍廣告，便以Sharp醒造型，白衫、白褲襯黑超現身支持。四哥於昨晨11時35分與霆鋒見面，表現得十分開心，兩父子搭膊頭傾偈。而同樣是探班的伍允龍，更與老友霆鋒耍功夫給四哥欣賞，逗得四哥開心不已！
四哥悉心打扮，以一身「白馬王子」Look探霆鋒班。
霆鋒見到四哥探班勁開心，還與伍允龍耍功夫氹老竇！
一身黑Look踢拖的霆鋒，與四哥變成「黑白雙煞」！