藝人詩雅昨日現身銅鑼灣出席代言的護膚品活動，身穿白色連身短裙的她清麗可人。她自爆擔任代言前要經過面試：「佢哋要我素顏示人，睇吓我啲皮膚，合格先可以過關！」過五關斬六將後，詩雅終於獲得代言人寶座，問到酬勞是否滿意？她說：「非常滿意！今年好好彩做晒自己好恨做嘅嘢，包括演舞台劇、攞獎同做打女！」日前，詩雅在街上險些中暑暈倒街頭，她猶有餘悸地說：「嗰陣我覺得個人天旋地轉，眼前一黑，好彩冇真係暈倒！跟住就即刻搭的士返屋企。」
詩雅日前因中暑幾乎在街頭暈倒。
主持梁奕倫被詩雅抹上護膚品，露出一臉冧樣。
