林欣彤拉巨聲幫落水

「小巨肺」林欣彤（Mag）快將廿一歲生日，雖然工作上成績不錯，但感情似乎未有着落，問到會選擇與緋聞男友羅孝勇還是胡鴻鈞共度生日時，她醒目地搬出其他「巨聲幫」擋駕，果然大個女了！

本月廿一日是Mag的廿一歲生日，她昨日出席無綫的《七月星辰》活動時被問到如何度過，她表示屆時要出席活動，又要去新加坡出席頒獎禮及忙於籌備新唱片，提到生日願望，Mag說：「想出一張自己滿意嘅唱片同買樓！依家只係賺到首期，呢行唔穩定，能夠搵就搵多啲，唔想做屋企嘅負擔！（想拍拖？）有就有啦！（約邊個緋聞男友慶祝？）同班巨聲朋友好耐冇聚會，或者趁機會聚吓啦！」而早前她為《反斗車王2》配音，首次為動畫電影配音的她非常興奮，還笑言跟動畫中「何犀莉」的外形、性格十分相似，心口都掛個「勇」字，而她的角色有大量又長又快的對白，要練定氣嚴陣以待。

苟芸慧飛機過牛一

此外，苟芸慧亦有出席《七月星辰》活動，十一日生日的她當天會出發到德國拍特輯，要在飛機上過生日，無法與羅天宇共度拍拖後的首個生日，她說：「做嘢最緊要，會明白！生日願望係事業更上一層樓，珍惜公司畀嘅機會。（男友同你預祝生日？）呢幾日都有工作，冇時間。（佢送咩禮物？）冇收過禮物，公司有送蛋糕囉！我會喺德國買份特別禮物獎勵自己！」