林利撞破杜德智拍拖

歌手林利重投香港樂壇，日前在38℃高溫下到沙灘拍攝新歌《重今以後》MV。當天天朗氣清，沙灘環境又優美，但他直言有苦自己知：「導演要我着西裝瀟灑啲，配合到首歌，可惜真係好熱，搞到成身濕晒。」拍攝期間，林利巧遇好友杜德智與身穿三點式的女友暢泳，他說：「約都冇咁啱！梗要影番張相留念。（唔請佢客串？）唔好打擾人哋拍拖！」

林利還自言日日做運動，但與玩健身的杜德智相比，自然比較失色，但不排除待身形操得更Fit後，半裸上陣拍MV。問到對新碟有何期望？林利不望賺大錢，只望贏得歌迷口碑，接受他只是演員外，亦是歌手身份。他稍後或邀請與他合唱的葉童、周海媚及康華擔任MV女主角。

林利（中）到沙灘拍MV，巧遇杜德智與女友拍拖暢泳。