王子涵增值入行拒靠父蔭
身為導演王晶千金的王子涵（Ada），目前仍在英國讀大學，主修化妝及髮型形象設計科。問到畢業後會否闖娛樂圈？她說：「之前試過拍戲，當然都有興趣入行，爹哋媽咪都冇話唔畀，女大女世界嘛！但我鍾意嘅範疇都幾多，對PR工作亦有興趣。」
談到爺爺王天林與父親王晶同屬出色電影人，身為第三代的Ada直言有壓力，故不斷增值自己。她還自爆是活躍分子，讀書期間經常舉辦活動，藉此擴大人際脈絡，希望畢業後靠實力創一番事業，不需要靠父蔭。問到會否叫爹哋搭路開戲？Ada說：「佢係一個導演，同時亦係商人，自己都係由頭做起好啲。（跟娛樂圈嘅性感風？）對我嚟講少許健康性感絕冇問題，比堅尼係底線，反而內衣就唔得。」
王子涵表示爹哋媽咪思想開通，可讓她自由戀愛及揀選工作。
Ada自言除了娛樂圈外，對公關工作亦有濃厚興趣。