江若琳反變走佬新娘

江若琳（Elanne）於新歌MV中再披婚紗，其髮型師更充當MV男主角，但要來回跑十多次，她自嘲變了「走佬新娘」。

文：音樂組

最近忙拍戲的江若琳同時有新廣東歌《One & Only》上台，日前她特地返港拍MV，由於新歌將成為婚紗廣告主題曲，故她再次披上嫁衣上陣，而MV男主角則找來其髮型師上陣。Elanne笑指對方起初不答應，但最終亦獻出MV第一次給她，Elanne大讚組合新鮮，又笠髮型師高帽讚對方上鏡及有潛質，笑言要當其經理人。

談到再以新娘造型示人，Elanne亦自覺今年與結婚特別有緣：「首歌嘅主題係講女仔待嫁嘅心情，覺得自己好似同結婚好有緣，所以就特別推出一首關於結婚嘅歌！」至今仍未遇到真命天子的她，被問到打算何時結婚？她說：「以前會諗嘅，但工作太忙，又未遇到合適對象，如果真係結婚，我會揀浪漫低調咁進行！」

婚戒講心不講「卡」

拍攝期間，穿上婚紗及高踭鞋的Elanne要在車站追男主角，因為要配合現場的交通，她來來回回跑了十多次，還笑言似足「走佬新娘」。

另外，戴上價值不菲的鑽飾拍攝時，Elanne則緊張得「郁都唔敢郁」，問到要多少卡鑽戒才能打動她下嫁？Elanne說：「心意先係最緊要，粒石大唔大都冇所謂，不過就想有一個好浪漫嘅求婚過程囉！」