胡美儀Sing呢一姐Rock得起

有「靚聲歌后」之稱的胡美儀，除了醉心粵劇外，近日亦有大膽嘗試，轉型變Rock女，大唱搖滾歌曲，為歌迷製造驚喜！

文、攝：專案組

胡美儀（Amy）早前簽約「風行娛樂有限公司」，成為該公司首位加盟藝人。向來醉心粵劇的Amy認為，身為歌手應嘗試不同風格，可以開拓其他聲音方向，繼續走優質路線。雖然身為唱家班，但Amy好學不倦，現時仍有請老師教唱歌，早前她還作出大膽嘗試，在歌曲《媽媽好》中大玩搖滾風格，令人耳目一新！Amy說：「大家都話我歌路唔同咗，有啲兩歲幾嘅小朋友，要聽幾次先瞓得着，估唔到會有咁嘅效果！」

公司錫住代推Job

加盟新公司後，Amy「升呢」做一姐，全天候備受照顧，惟她自爆新公司已替她推掉十多個騷，她解釋因為公司想她每個演出都是最精，以及考慮邀請機構的形象是否合乎其健康形象，她說：「好高興公司同我嘅理念相同。」

另外，Amy早前為婦女會獻唱主題曲，她自爆在家練歌時的趣事：「毛Sir（毛俊輝）喺工作間聽到我唱，就忍唔住皺眉問『係咪咁唱o架？』，我話練緊嘛！」她表示開騷時會獻唱不同類型歌曲，一定要多加練習。

髮型：哈佛增髮技術中心

場地：拉斐特