Donald雲海嚇到你笑
剛做「老襯」不久的DJ唐劍康（Donald），將與醉心研究奇異事件的雲海首度演出「棟篤驚」，日前二人受訪時作狀扮鬼臉互嚇，認真大唔透！Donald自爆與雲海為這個靈異科幻騷開會度橋時，曾被雲海的「鬼古經」嚇到起雞皮！他表示下月初在柴灣舉行的《雲海˙當奴˙骷髏頭》中，會與觀眾分享各類奇異事件：「係六成驚、四成笑，內容圍繞鬼怪嘢同城市傳聞，亦會同觀眾互動，總之驚得嚟開心，好似以前讀書去露營講鬼古嘅感覺。（導人迷信？）唔會，係以講古仔形式去做，亦有意邀請歌手參與演出。」
Donald（左）作勢「出招」，雲海畀面作狀喊驚！
Donald打算邀歌手亮相演出，齊齊講鬼古。