吳彤歌曲被女友嫌棄
入行7年的歌手吳彤，最近以6位數酬勞拍攝飲品廣告，與馬籍緋聞女友羅憶詩攞正牌談情說愛，當中不乏親熱鏡頭，十足熱戀中的情侶！問到會否擔心女友呷醋，吳彤笑言不擔心，更踢爆女友讚憶詩靚女：「同憶詩合作好開心，畀佢啲唔鹹唔淡嘅廣東話笑死，佢試過將避彈衣講成『皮蛋衣』。」
吳彤與圈外女友拍拖3年，因尊重女友而保持低調：「佢幾收埋自己，唔鍾意見我啲朋友，又唔肯帶我見佢啲朋友。佢冇留意我嘅工作，又唔鍾意聽我嘅歌，都幾Hurt，連合照都唔肯同我影，話怕我跌電話，我明白佢欠安全感。」備受女友打擊，令他更有原動力要闖一番成績。
吳彤與緋聞女友羅憶詩奉旨親熱，難得女友唔呷醋！
來自馬來西亞的羅憶詩，因廣東話不純正而被吳彤嘲笑。