好友分手捱插鍾嘉欣撐難定錯對

黃宗澤（Bosco）與鍾嘉欣昨日到銅鑼灣出席活動，問到老友楊思琦近期因狠撇李泳豪而受盡千夫所指，兼盛傳「有喜」而向無綫請假九個月，鍾嘉欣直言並不知情：「失戀已經好慘、好傷心，愛情好難講邊個啱邊個錯，真相只有佢兩個人先知！攞假都唔一定係生仔，可能係想放吓假、冷靜吓。」

至於近期影視兩忙的Bosco，希望下月能小休享受陽光與海灘，問到會否以泳褲示人？早前遭「偷拍」的他苦笑指泳褲Look已沒有吸引力：「泳褲呢啲冇乜嘢啦！依家就算話收視好要着泳褲答謝觀眾都唔使預我！」他透露事件正交由個人資料私隱專員公署搜證中。

鍾嘉欣與黃宗澤出席活動，分享旅遊難忘事。