傅穎寸o靚模濫露博出位

昨日傅穎（Theresa）與Mia等o靚模到戲院為新片造勢，充當售票員吸引粉絲買飛入場。同場以Mia最性感，問到有否覺得對方故意搶鏡？Theresa笑說：「我都明佢哋要爭取多啲曝光機會！（唔介意？）我唔會選擇呢條路，隆重場合先會放佢哋（咪咪）出嚟。」Mia則強調只是健康性感：「佢哋先係主角吖嘛，我搶唔到鏡嘅！」

另外，Theresa前晚以中性打扮錄影節目，自言出道時曾有女Fans示愛。提到有指遭陳嘉桓暗寸身形矮，她說：「佢話我唔夠高吖嘛，唔覺得佢寸我。」更反讚對方甜美及身材好。同場以女人打扮的洪天明表示由女友周家蔚幫手配襯，今年會於美國或日本註冊結婚，擺酒則視乎有否酒席。

Mia（左）以性感打扮上陣，但傅穎不介意被搶「峰」頭。