鼎爺爆粗反擊：你估我通天眼咩？
自「李楊分手」後，李家上下全力反擊，鼎爺李家鼎昨晚重提舊事依然激動，他說：「如果我早知佢哋3月分手就X街死！」並否認生日會當日是刻意放料，亦表示兩仔爺均不認識Andy：「如果我識佢一早就詐型！（思琦話你同施明睇住佢搬走？）我同施明分開咗，佢又住喺施明度，我點睇住！佢咪屈得就屈，你估我識神打同通天眼咩？」
至於泳豪哥哥李泳漢昨日接受電話訪問時直言，思琦「有喜」才與弟弟分手，更重申掌握不少重要證據，礙於情面才不公開。他又直斥思琦未曾付半分家用，提到有指Andy比泳豪富貴，泳漢即說：「我細佬唔係一個仙都冇！我哋都唔失禮，起碼住九龍塘！」
李家鼎至今依然激動，得知兒子被指放料即爆粗反擊。
李泳漢稱手握重要證據，因「留一線」而不公開。