離婚過來人蘇永康：可以好簡單
鋒芝今日返港解決離婚及撫養權問題，雙方好友蘇永康希望二人和平解決事件：「唔好分兩大陣營啦！兩個都係我朋友，希望可以和氣收場。我都離過婚，其實可以好簡單咁解決，唔好幻想到好戲劇性咁雙方開炮！」他坦言最擔心拉姑，體會她未能見孫仔的痛苦。
至於霆鋒好友梁漢文表示，對方返港後未必會聯絡：「我覺得需要一日雙方平心靜氣去傾，唔好拖咁耐喇！（搵霆鋒傾？）唔會特別搵，呢段時間咁敏感，始終係人家事，唔會畀意見！」而另一好友張衞健則大讚霆鋒是個成熟的男人，對他很有信心，呼籲大家給他空間去自行處理問題。
