朱茵失控痛哭

出名愛狗的朱茵，其愛犬提子日前突然離世，令她接受訪問期間幾度痛哭。坦承曾經愛錯的她，情傷之痛亦遠不及失去愛犬的悲痛。

朱茵與八歲的提子感情深厚，每晚也「相擁而睡」，想不到提子日前突然離世，令她不知所措。雖然提子已「入土為安」，但昨日阿茵提起牠時亦不禁掩臉痛哭，並強忍淚水說：「佢三歲時已經盲咗隻眼，八歲生日就發現佢肚仔脹大，帶佢睇醫生，證實嗰啲係營養嘅積水，佢吸收唔到，結果……多謝佢帶畀我哋嘅歡樂。」阿茵認為提子病逝是受基因遺傳所影響，家中現在仍有七隻「小寶貝」，暫時未有再加添新成員的打算。

另外，阿茵即將演出舞台劇，扮演一名經常錯愛的未婚媽媽。她坦承自己亦有愛錯的經驗，認為是少女成長的必經階段：「最痛嗰次係讀緊書，同一個同學拍咗一日拖，佢突然消失，好多年後先知係因為當時佢嘅舊愛搵番佢。」

愛黃貫中夠壞

她打趣表示「男人不壞，女人不愛」，又指男友黃貫中亦有壞基因，問到二人的終身大事時，她說：「唔想公開講，驚有壓力！下半年佢要籌備演唱會，我好快又要去北京拍電影，大家有啲空間仲好，唔使成日見又鬧交嘛！」