泳豪強忍淚水：未放得低！

無綫花旦楊思琦早前狠飛拍拖九年的同居男友李泳豪，有指因有疑似第三者中學同學Andy介入，更有傳思琦「有喜」，令豪仔打擊極大！飽受情傷的他惟有寄情賽車，昨日相約兩名好友試車，為下月參加的飄移賽車作準備，豪仔全程苦口苦面，提到與思琦的九年情時更一度哽咽，坦言仍未放得低！

「我唔紅就衍生好多事！」

他表示最近甚為失落，好友驚他做傻事而輪流陪他：「佢哋仲收起我條車匙唔畀我揸車，驚有意外，有時夜返啲，屋企人都會打畀我。」提到與思琦的結婚計劃，豪仔即緊握拳頭強忍淚水說：「一個月前仲講緊結婚，好似正常準夫妻咁準備，諗住出國搞婚禮，但依家無謂講喇！（有第三者迹象？）有又點冇又點？」專一的豪仔仍幻想有復合可能：「真係未放得低！之後嘅事睇天點安排啦！（試另一段感情？）唔會咁快投入到，我唔得，可能有啲人得。（唔敢再拍拖？）唔知，好亂！」

雖然被單方面狠飛，但豪仔仍衷心祝福思琦找到幸福，問到有否嬲對方？他說：「冇！擔心多啲，咁多年都保護佢，但突然間唔知佢諗緊乜！」朋友施先生亦代豪仔澄清，指他並沒有因賽車狂Fing錢及冷落思琦：「豪仔學車係一個仙都唔使畀，有贊助商，佢教車仲有收入！至於思琦都有玩車，仲識飄移。」31歲的豪仔表示將來會更努力，希望演戲及賽車兩邊兼顧：「其實以前都好努力，但啲人只係睇成果，我唔紅就衍生好多事！」

另外，疑似第三者Andy化身「cthk118」多次在思琦的微博噓寒問暖，上月13日更指她有「很重要的任務」不可以再吃杯麵，令人聯想到「有喜」傳聞。