Alice B.性感相集避戰
擁有32B上圍的「第四代Canon甜心」Alice B.，雖然身材未及師姐「警鐘胸」Jessica C.般Big爆，但這位英泰混血兒除了憑天使面孔冧爆宅男外，還愛以性感打扮出席活動，谷胸上陣狂騷事業線和胸前蝴蝶紋身，相當惹火！她直言性感打扮濕濕碎：「只要着出嚟效果靚係最重要，外國人嘅打扮仲性感啦！冇理由出席活動要包到冚o架？」
日前Alice趁炎炎夏日，穿三點式影靚相，她笑言要讓蝴蝶紋身「抖抖氣」，揚言不介意影泳裝照：「平時都會去沙灘曬太陽啦！之前着比堅尼曬太陽，好多次都有男士走過嚟同我傾偈，但都好正常吖！佢哋都冇『抽水』。（半裸享受日光浴？）咁又未試過，唔知有冇人望，如果要試都會選擇去私人會所泳池。」另外，她有意於稍後拍攝性感相集留念，但不會在書展推出，她解釋因不想急住出書而令效果欠理想，寧願多些時間籌備，也不想趕於本月推出。
Alice B.以三點式泳衣上陣，狂騷32B索爆身材！