32D App神娜姐等宅男解峰

書展將於本月20日開鑼，又是o靚模寫真集開戰之時！兩位o靚模始祖Angelababy及周秀娜雖然未有加入新一輪寫真戰，但面對後起「胸」o靚模，各出奇招鞏固一姐地位！

宅男女神「寫真女王」周秀娜（Chrissie）及「界女神」始祖Baby在寫真戰中鬥足幾年，雖然兩人今年未有在寫真混戰中推出新作，轉戰大銀幕搵銀，不過眼見後起「胸」模來勢洶洶，兩位「宿敵」均於暑假出招谷人氣再鬥過！

今年退出寫真戰的Chrissie，推出加數遊戲手機App「10nanamania」滿足一班宅男粉絲，只要過關就能將Chrissie近百張性感比堅尼相解鎖，而該批比堅尼相亦十分惹火，盡騷32D爆身材！據知，該App將於幾日內正式推出，有免費版及收費版供下載，但要看全部火辣泳衣相則要選擇收費版本。對於用App撼其他「胸」模，她信心十足地說︰「我未驚過！（係咪撼寫真戰？）唔係！做咗好耐，每年都想搵啲開心同新鮮嘢做吓。」問到會否在書展踩場看後輩寫真？她寸嘴說︰「未知呀！依家好忙，有時間咪去吓囉！」

此外，Chrissie昨日現身旺角街頭連踩兩個活動谷人氣，派扇玩親民，吸引大批市民圍觀。問到會否擔心被抽水？她說︰「唔怕！我有膽識，真材實料，波波有力，唔怕畀人拮同摸。（保安保護？）唔使！我一個殺埋去好有力，佢哋死梗！」期間她與赤膊男玩遊戲，當要求被赤膊男抱起時現場起哄，但最後她為免走光而未有被抱起。

齊齊諗定踩場

另一邊廂，今年停出寫真的Baby據知會翻印08年首本寫真集《Love》加入今年寫真戰，Baby經理人承認此事︰「係有件咁嘅事。（點解再出？）因為08年寫真印嘅數量好少，好多Fans都買唔到，今次係應Fans要求，書嘅內容不變，可能封面會換另一張相，但會用番同一輯外景相。」另外，Baby有份參演的電影《全球熱戀》海報亦會在書展中首次曝光，據知海報中Baby有多款不同造型，但未有泳衣相，她亦有可能到書展踩場為Fans簽海報。