陳柏宇至愛「嚇戲」非「筒」凡響
歌手陳柏宇（Jason）除了喜歡唱歌，還有很多其他興趣。在加拿大長大的他，嗜好與本地男孩大同小異。Jason既鍾意打機又喜歡看電影，所以買了無數電影光碟：「做嘢太忙，唔係每套電影都會去戲院睇，買碟係最佳選擇，喺屋企隨時都可以睇！」他近日剛購入數齣經典的驚慄電影光碟，急不及待大晒戰利品。極愛欣賞恐怖電影的他說：「自細已經好鍾意睇驚慄片，因為夠刺激！喺屋企熄晒燈嘅時候睇仲正！」一口氣買了三套碟的他補充：「呢三隻做特價咁抵，唔買真係對唔住自己！」
另外，Jason平日還愛在家中練習電結他，但有時半夜三更練習，隔籬鄰舍隨時會報警投訴，所以他近日以四千元購入新耳筒來練習，他說：「舊耳筒壞咗，周圍問DJ朋友邊隻耳筒好，個個都推薦呢個牌子，去到買先知原來咁貴！好彩返到屋企一試真係唔同啲，每粒音都好清晰，真係一分錢一分貨！」
Jason大晒剛買的電影光碟。
Jason揼本購入新耳筒，認為一分錢一分貨。