Jeana床戰融化小方

周秀娜前晚抱恙錄影無綫節目時艷光銳減，面對性感拋胸的師妹何佩瑜（Jeana）全無還擊之力。Jeana更自爆在新片中床戰方力申，成功融化對方！

形容自己為「細菌人」的周秀娜，工作不斷要飛來飛去，終不支病倒。她前晚在節目《變身男女Chok Chok Chok》中收起性感，即被同場穿小背心的師妹Jeana搶峰頭。對於被Jeana追擊，娜姐說：「哈哈……我哋好少機會接觸，反而跟另一師妹Hidy Friend啲。（佢都出寫真，會買嚟睇？）我窮，只夠錢買一本寫真集！（覺得Jeana有威脅？）今年我都冇書出，唔好『啫』住我啦！（今年多內地女模出寫真，你係『神級』點對抗？）我都唔係神級！」撼低師姐還揚言要送寫真集給娜姐的Jeana，在電影《人約離婚後》中與方力申有大膽床戲，並大爆小方瘀事：「我同小方有場好激床戲，事後小方要飲可樂解渴回氣，可能我融化佢！」

伍姑娘尖叫反眼

此外，主持之一的伍詠薇（伍姑娘）與老公練海棠前晚結婚12周年，老公現身慶祝，兩人全晚儼如接吻魚般咀不停，還被阮兆祥取笑：「觀眾如果唔想有糖尿病就唔好望啦！」而監製錢國偉和陳敏之亦送上驚喜，推出蛋糕和安排前香港先生以裸男造型圍住伍姑娘跳舞，伍姑娘High爆反白眼大叫：「Yes！Yes！」