露肩法拉膊盡性感

女星出席活動時愛以晚裝裙表現高貴的一面，又不失性感，名模莊思敏欣賞呂婉柔的「紅白配」；更大讚陳法拉「露下盤」的設計，夠大方性感，她更教路：「晚裝打扮唔需要太性感，裙的顏色要夾自己的膚色，可以加上飾物增添新鮮感。」 文：

陳法拉．添骨感 索爆指數：8（最高10分）

「法拉呢套裙絕對冇問題，夾到自己膚色，又凸顯咗佢高挑嘅身形，露膊嘅設計加添咗骨感，加上件晚裝下身獨有嘅性感設計，令佢成為性感女神！」

趙彤．夠大方 索爆指數：6（最高10分）

「Yedda嘅着法唔會有問題，夠晒性感大方，但一身全黑嘅打扮就單調咗啲，建議落啲工夫喺髮飾上，例如Set番靚個頭。」

陳茵媺．好清爽 索爆指數：6（最高10分）

「陳茵媺嘅髮型同條裙好Match，好清爽，露膊嘅設計凸顯到佢性感嘅一面，但有啲Casual，可以加啲飾物點綴吓，例如吊墜、頸鏈之類。」

黃婉曼．衰單調 索爆指數：5

「斜膊嘅設計幾吸引，建議加番啲飾物，令心口唔使太單調，條裙嘅顏色都幾難着得好睇，適合膚色較白嘅女仔。」

羽翹．嘥纖腰 索爆指數：4（最高10分）

「其實羽翹嘅着法有啲怪，畀人感覺好重，冇夏天嘅氣息，成套衫見得對腳，嘥咗自己纖瘦嘅身形，可以着番啲有膊位Cutting嘅裙，睇上去會順眼啲。」

李蘊．下盤大 索爆指數：4（最高10分）

「李蘊本身身形唔差，但條裙唔夠貼身，令佢個Hip位好大好闊，睇上去下盤好大，加上佢本身唔高，望落去個人好重，扣晒分。」

葉璇．唔夠黑 索爆指數：4（最高10分）

「裙嘅顏色冇乜問題，如果由膚色較黑嘅女仔着，成件事會圓滿啲，因為葉璇本身膚色較白，同埋條裙嘅長度有少少尷尬，唔高唔低，影響咗成個觀感。」

Profile

莊思敏（Jacquelin Chong）在模特兒界打滾多年，常擔任品牌代言人，時裝觸覺敏銳的她，不但躋身名模行列，近年更成功殺入影圈。