港姐５朱晨麗靠阿媽先擸一獎
十三位候選港姐前晚出席《香港小姐歡樂大使頒獎典禮》，大會播出佳麗與親友在樂園拍的「歡樂照」，(3)許亦妮偕曾傳因潑酒結緣的柯清輝契女嚴紀雯撐場，又擘嘴又狂笑搶分，可惜最終仍不敵攜媽咪晒溫馨的(5)朱晨麗，失落港姐頭彩，認真失威。
先拔頭籌奪「歡樂大使」獎的朱晨麗興奮地說：「咁大個女第一次比賽，第一次攞獎，好激動！」但否認一獎在手便能輕易揮低勁敵許亦妮。當被問到會否帶歡樂給男友時，朱晨麗甜笑說：「一齊食飯同傾偈已經好開心，試過整蛋糕畀佢。（佢有冇讚？）我整佢敢話唔好食咩？」
去年港姐亞軍兼評判之一的張秀文，盛讚朱晨麗與母親的合照溫馨兼笑容一致，故得到高分：「我哋都係『舞』林中人，睇好佢。（許亦妮太多緋聞有影響？）佢應該要處理好Facebook嘅照片先。」
攝：林楠番禺傳真
朱晨麗與母親笑容一致，成致勝關鍵。
擔任評判的張秀文睇好朱晨麗再奪獎。