Ella踢爆男友齋(目及)冇曳曳

官恩娜上月與醫生男友拍拖歐遊，自爆在無上裝海灘「喪(目及)」索女。問到此行有否造人？她即口震震說：「冇做啲咁嘅嘢。」

與醫生男友感情穩定的官恩娜（Ella），早前雙雙到歐洲郊區旅行，剛回港的她昨日與孫耀威及薛凱琪等歌手出席奧海城舉行的《選民登記音樂會》。Ella透露與男友每日均往無上裝海灘「(目及)嘢」：「嗰度好偏遠，冇乜地方好去，只係日日陽光與海灘，都幾悶。」問到旅程中有否造人？她即口震震兼尷尬地說：「冇做啲咁嘅嘢。」

忘記遭舊愛趕落車

提到舊愛吳卓羲被拍得駕車到機場接內地「乳模」張馨予，有傳更返家過夜，Ella避忌地說：「唔好講呢啲，唔關我事！（係咪你身材唔夠勁所以飛你？）唉！唔好講呢啲。」問到當年出埠工作返港時對方有否接機？正當Ella考慮應如何回應，記者又追問當年遭對方趕落車一事，她尷尬地說：「舊事忘記佢啦！最緊要搵到個鍾意嘅人，要好好珍惜。」

同場的薛凱琪透露七、八月都是「忙爆月」：「開戲兼宣傳新碟，冇乜時間休息，今次會拍笑片。（冇房祖名份？）其實有公司搵過我哋，大家檔期就唔到。」至於孫耀威穿上背心狂騷麒麟臂，由於衫領較低，多次露出胸毛，搞到他要不停扯高衫領。

文：音樂組　攝：司徒國榮