金剛影完配埋音 莊思敏玩Effect 素顏夠照
不少藝人鍾意影相拍片，近年用手機拍片更見方便。由台灣來港發展的金剛喜歡拍片影相的App，近日的心水之選是Silent Film Director，提供懷舊拍攝效果，又可配上背景音樂，他說：「雖然多數被人拍，但自己得閒嘅時候都鍾意拍片，平時鍾意拍人物同景，呢個App拍片嘅Quailty夠特別又好靚，仲可以將相加入條片，配埋自己揀嘅音樂，好好玩！」
至於向來對化妝有研究的莊思敏亦自言喜歡用手機影相，特別介紹Leme Camera，備有不同拍攝效果，適合女仔使用：「我好鍾意自拍，呢個App有好多鏡頭揀，簡單易用，手機影相已經有相機嘅效果，啱晒我！啲Effect又好靚，就算冇化妝影相都唔會嚇親人。」
莊思敏推介
Leme Camera
價錢：免費
玩法：可以自選拍攝效果，亦可以按個人喜好揀選相機、鏡頭和相框。
技巧：先調校相機與鏡頭配合出喜愛的拍攝效果，再用手指在屏幕選擇聚焦想拍攝的人或物件。
金剛推介
Silent Film Director
價錢：US$0.99
玩法：設有多種懷舊拍片模式，可以調校影片質素、背景音樂。
技巧：加快影片速度，配上二十年代的輕快音樂，恍似差利卓別靈時代的黑白片。
莊思敏愛用手機影相，貪其方便又簡單，最重要是效果靚。
金剛最鍾意於空閒時間拍片，直接用App剪接加背景音樂最方便。