洪卓立家藏心思「彌敦道」
英皇男歌手洪卓立（Ken）出道至今深受Fans歡迎，其中以女生佔大多數，每次Ken出席公開活動或聚會時，「立迷」均會送上不少心思禮物，令他心花怒放。談到最深刻的禮物，Ken說：「佢哋送過一個『彌敦道』的道具路牌畀我，因為我有首歌叫《彌敦道》，Fans好鍾意首歌，而我覺得呢首歌幾有代表性，所以將個牌放喺屋企。」
此外，Ken透露收過Fans自製的座枱月曆：「我好鍾意呢個座枱月曆，因為有埋我同媽咪嘅合照，Fans真係好有心機！當然我唔想佢哋嘥錢買嘢送畀我，寧願佢哋買碟或者自製禮物就更好。」
Ken表示道具路牌具代表性，亦收過母子溫馨月曆。
洪卓立對Fans送贈的禮物愛不釋手。