爆E超蓮誘男妓兜搭

「爆E超蓮」鍾采羲（Iris）與師妹「混血E神」林宜芝（Monna）到上海拍攝寫真時「遇險」，獨坐一旁等拍照時，Iris遇到貌似古天樂的內地型男「索價」，對方開價五千做她的陪遊，令Iris哭笑不得。

最近不少o靚模墮色情騙局，連「爆E超蓮」Iris也差點遇險！Iris與師妹Monna早前同赴上海，為雙人寫真集取景，期間爆出不少笑料。Iris自爆在當地遇上「翻版古天樂」型男，不過並非緣分到，反而是「遇險」收場。

五千陪玩一星期

Iris說：「當時我同Monna一齊拍嘢，到佢影單人相時，我就去咗附近坐低等佢，突然有個靚仔走埋嚟，成個『翻版古天樂』咁，咁就同佢傾咗兩句，點知佢突然問我價！」

被問價的Iris當堂嚇了一跳，邊走邊澄清並非做「那種工作」，但對方步步進逼，繼續問價。Iris說：「佢話唔係呢個意思，而係叫我畀五千蚊人民幣佢，陪我玩一個禮拜！」她表示問價事件很爆笑，但又氣憤地指難以明白被男妓睇中的原因。經一事、長一智，她表示以後到外地不敢再獨自行動，以免再次「中招」。

文：專案組

攝：沈健程