樂易玲牛一哮喘戒酒「仔女」High爆玩到癲

昨日生辰的無綫高層樂易玲，與家人飯敍打保齡球慶祝，而前一晚則與一眾圈中好友預祝，他們先在深灣遊艇會食自助餐，切完蛋糕再直踩跑馬地紅酒吧狂歡。無綫一班「仔女」包括林峯、黃宗澤、陳法拉、徐子珊、謝天華、陳敏之、王祖藍、李亞男、苟芸慧和阮兆祥等，前晚得知「阿媽」牛一，均抽空到賀，其餘好友如王小鳳、英皇高層吳雨、霍汶希及錢國偉等亦先後到場。各人皆依照樂易玲吩咐，將送禮改為捐款，祥仔以樂易玲名義助養兩名兒童作為禮物，使她甚為高興，至於天華則忍不住送了擺設，而王小鳳就送上歌舞，High爆全場。上半場未完，阮兆祥與女友於凌晨先離開，而凌晨二時，祖藍與亞男等人陸續離場。

樂易玲昨日接受電話訪問時說：「生日願望係想世界和平，亦想公司人人安好！今次生日慶祝，係想搵個地方傾吓偈食吓飯，之後去咗飲紅酒，不過我哮喘，成晚都戒酒，好多朋友都幫我頂酒。（老公幫？）佢要揸車，我都唔畀佢飲。」