錢景峰一拖二舊愛Mia拋波贈「慶」

名媛郭秀雲的兒子錢景峰，自去年與新八模成員潮媽陳靜儀（Mia）分手後，曾被母親踢爆在外國另結新歡。日前下午5時許，記者發現錢景峰與兩名女子在銅鑼灣逛街，與其中一名上圍豐滿的索女特別投契，期間他不時輕摸索女纖腰，又挽着對方手臂而行，恍如一對熱戀中的情侶。其後三人到附近睇泳衣，錢景峰不但未感尷尬，更在旁給予意見，可見二人關係非淺。記者曾聯絡錢景峰及郭秀雲，不過二人在截稿前仍未回覆。

昨日記者致電Mia，她表示不知對方拍拖：「佢成日都換畫o架啦！我之前喺Party見到佢，同佢打招呼，佢冇應我，覺得佢好無情！」而她昨日出席活動時，狀態大勇地以低胸裝示人，她說：「今次出嚟打排球嘛，梗係帶定兩個波（雙乳）啦，以波制波呀！」她又表示要照顧病父、小朋友，非常忙碌，問到如何兼顧？她說：「惟有唔好拍拖住囉！（甩晒拖喇？）我依家單身。（冇有錢仔追求？）一向都冇乜啦！」

低胸上陣的Mia揚言要以波制波，語出驚人。

錢景峰有兩美相伴行街，更不避忌睇泳衣，非常風騷。