(3)許亦妮黐有錢女唔孤獨

是非不斷的候選港姐(3)許亦妮經常被指人緣差，早前又被爆與富家女Carmen反目，但昨日她刻意帶對方出席活動，擺明想以行動擺脫「獨孤精」稱號！

昨日一眾港姐繼續在番禺長隆酒店拍攝外景，每人帶同一位親友接受曾華倩訪問，爭奪「歡樂大使」名銜。早前有指(3)許亦妮在銀行家柯清輝契女嚴紀雯（Carmen）的生日會上亂淋酒，兩人因而反目，但昨日許亦妮帶同的嘉賓正是Carmen，似想用行動證明沒有不和，她又表示彼此是好友。不過，昨日再有讀者爆料指許亦妮是大話精，因Carmen與金牌大風造型設計師馬天佑本是一對，但許亦妮刻意介入，她卻指Carmen與馬天佑並非情侶，認真不知誰是誰非！

穿上低胸裝晒事業線的許亦妮是非不斷，提到與《肉蒲團之極樂寶鑑》男星姚洛銘攬住合照，她再次表示只是朋友：「做Model之前都識，但好耐冇見，只係SMS。（畀人放料得罪人？）唔知，但男女合照正常！（次次攬喎？）唔覺親暱。（改習慣？）參選後做咗公眾人物會小心啲，唔想有誤會。」

命帶桃花啱入行

至於曾華倩表示首次見齊所有佳麗，大讚大部分都很聰明，自己當年也不及她們，她最看好(5)朱晨麗：「佢好親切，媽咪都好純。（許亦妮是非多？）佢靚女，命帶桃花囉！啱呢行啦！（影響形象？）靚女梗係多人追，佢咁多仔不如畀啲我！哈哈！」備受讚賞的朱晨麗直言信心大增，希望打入三甲，提到許亦妮是非多，是否對她有利？她說：「唔知呀！每個人都有人唔鍾意，我都接受批評！（佢係勁敵？）個個都係姊妹。」

港姐爆料

歡迎讀者報料

爆料熱線：3600 1022

爆料傳真：3600 1000

爆料e-mail：entertainment@opg.com.hk