早前有報章無厘頭覆述內地網料指狄波拉打媳婦張栢芝的傳聞，然後於前日「自行」為拉姑澄清事件，可說莫名其妙，記者遂於昨日再向拉姑了解，惟截稿前未獲回覆。
四哥謝賢昨日心平氣和聽完記者覆述有關報道後不禁失笑：「哈哈……我梗係唔信佢打栢芝！佢（指拉姑）咁大個人。（拉姑心痛冇得見兩個孫，你呢？）唔答喇！總之唔係講嘢時候！」另外，曾被拍得與栢芝媽茶敍的李丞責，昨日指對方在加拿大：「人哋嘢我唔方便講，總之我哋識好耐，閒時會傾八婆嘢同電影，如果嗰日傾嚴重嘢，就唔會去茶餐廳。」
謝賢與栢芝媽近日成為追訪對象。（資料圖片）
