霆鋒反擊栢芝急搵仔擬直踩陽明山莊

謝霆鋒下定心腸與栢芝結束五年婚姻,繼發出離婚協議書後,據知他將再發律師信要見兒子,並決定即使今次再得不到栢芝回覆,亦會直踩陽明山莊搵仔!

鋒芝婚變擾攘逾月,最近爆出兩人早在機艙合照前已分居,亦有指栢芝不再愛霆鋒,傳聞之多,令人摸不着頭腦。不過,鋒芝繼早前透過短訊聯絡後,至今仍維持冷戰,霆鋒只透過律師與栢芝聯絡。早前又有報道指霆鋒曾發律師信予栢芝當時的代表律師,希望見一對兒子Lucas及Quintus,但當時其律師指因栢芝於內地拍戲後染病,故未能聯絡上,令霆鋒仍未能見到兒子。霆鋒一方前日透過人肉速遞將離婚協議書交到栢芝於陽明山莊寓所的信箱,但據了解,有關離婚書一事,霆鋒與其律師同樣仍未得到栢芝的回覆。

拒兩兒子再變人球

據知,已逾月沒見到Lucas及Quintus的霆鋒將再度發律師信予栢芝求見仔,但因早前發律師信亦未能奏效,加上栢芝的代表律師最近請辭,令霆鋒一方要得到栢芝的回覆變得難上加難。雖然栢芝疼愛兒子,但礙於經常因工作四圍飛,不得不將兒子交託其他人照顧,有指霆鋒亦對此大感不滿。霆鋒將於日內完成在馬來西亞拍《逆戰》的宣傳片,據知他下周五(8日)會返港,並計劃立即接回一對寶貝仔,親自照顧,不讓兒子成為人球。

律師教路申請中期命令

據知栢芝常以「收不到信件」為由採取拖字訣,希望藉此逼霆鋒現身當面對談。霆鋒雖然一直堅持只透過律師聯絡她,但據知霆鋒已作好準備,若栢芝今次再不回覆他見仔的要求,他便會直接到陽明山莊搵仔。

另外,昨日有傳鋒芝離婚,栢芝要求5億元贍養費及兩子撫養權。對此,栢芝經理人周小姐說:「佢哋兩個個幾月嚟冇聯絡,唔會回應呢啲謠傳。(有指拉姑想見孫及澄清沒有打過栢芝?)唔講喇!」

對於霆鋒的律師行動,黃國桐律師指離婚協議書作用是在正式辦離婚前讓雙方協議條件,免日後在離婚庭內爭拗:「因為冇律師,寄去佢(栢芝)信箱已經當佢收到。」若栢芝對離婚想採取拖字訣,現時沒有代表律師是否有利?黃續說:「反而仲難拖延,律師可以話同個客商量,需要多啲時間,依家冇律師,一切要跟另一方嘅日子同程序去辦。」他又指若霆鋒在辦理離婚期間想見兒子,可向法庭申請「中期命令」。

音樂組

霆鋒逾月冇見兩名寶貝仔,當然掛心。(資料圖片)

昔日拉姑與栢芝一齊湊Lucas,此情此景未知能否復再?(資料圖片)