Baby忠告：咪上當

近年口靚模騙案手法層出不窮，連熊黛林及Angelababy所屬的本地知名模特兒公司Style，亦慘遭冒名騙少女拍不雅照。Baby更在微博呼籲：「千萬不要上當！」

隨着近年模寫真大收旺場，有意投身模特兒行列的少女愈來愈多，相關的騙案有增無減，模特兒公司Style International Management慘被拖落水！該公司總監Kim（周優根）昨日舉行記者會時透露，公司與海港城每年一度合辦的Style Model Hunt 2011@Harbour City，近日發現被不法之徒冒名行騙：「今日我收到兩個參賽者查詢，話收到以公司名義嘅郵件，要求內衣同裸照。我懷疑有不法分子入侵公司官方網站，睇咗參賽者嘅資料，再申請一個同網站名稱相似嘅郵箱行騙。」Kim認為事態嚴重，昨日已到北角警署報案。Kim透露其中一名參賽者傳了內衣照給騙徒：「佢冇影到自己個樣，但已經報警。」

Kim呼籲有意入行的少女要有底線：「試鏡需要度三圍，泳衣照都要，但內衣就唔需要，除非工作涉及內衣。（全裸呢？）其他公司我唔知，但我哋唔需要！」Kim在微博留言指比賽不會要求參加者在網上放任何內衣、睡衣或不雅照。而公司旗下潮模Baby呼籲：「千萬不要上當！提防無恥之徒！」

汪圓圓Alice B.教路

其他名模異口同聲指，模特兒公司要求電郵內衣照不尋常。陳嘉容提醒應先了解公司背景，若對方要求金錢或拍內衣照，絕大機會是騙案。莊思敏呼籲別過分依賴網絡：「有需要就問，自己有話事權。」姚予晴戥被騙少女可憐！諸葛紫岐則說：「女仔要小心，依家女仔較急進，驚失機會。」而汪圓圓則表示少女缺乏經驗，容易對他人言聽計從。Alice B.坦言從未受騙，但早前拒絕一位自稱有錢男士的邀請到小島拍裸照：「事後知道佢帶咗生意朋友睇晒成個拍攝過程。」