施明激到眼紅血壓高
這邊廂楊思琦突然單方面宣布與李泳豪分手，那邊廂施明與「大孖」泳漢昨日出席舞台劇演出活動時，被問到思琦與「細孖」泳豪分手一事，二人一臉錯愕，恍如晴天霹靂！泳漢說：「我要返去了解吓先，真係唔知發生乜事！如果隨便答會對佢哋唔公平，你哋咁講，我好擔心細佬嘅情緒，我哋近排好少見，佢忙住為事業打拚。（好耐冇見思琦？）我唔記得幾時見過佢，但印象中唔係好耐之前啫！」
至於「過氣奶奶」施明於傍晚時分再與記者通電話，她無奈地說：「知道思琦講咗，一時間好難接受同消化，我依家隻眼紅晒，相信係血壓高，我行唔到路喇！」而李家鼎得悉泳豪被飛後表示不敢相信：「好難理解年輕一輩嘅感情世界，不過佢好乖仔，有乜事都唔講，唔想我擔心。」
施明與李泳漢驚聞思琦宣布分手，不知所措。
昨晚鼎爺陪泳豪開工，激動護子。