思琦搭上舊同學狠撇泳豪

上月還「蜜」認結婚的楊思琦與李泳豪，昨日突然由女方宣布分手！雖然思琦指雙方數月前已達成共識，但據知豪仔數日前才接獲「通知」，內情除了指有第三者外，更涉及一個男人不能接受的沉痛理由，難怪泳豪提到分手時不禁落淚！

堪稱娛樂圈「戀愛長青樹」的32歲楊思琦與31歲李泳豪，拍拖9年歷盡風雨，思琦對男方不離不棄，直至上月，思琦現身男友生日拖手晒恩愛，豪仔直言好事近，但事件昨日卻峰迴路轉！思琦昨午出席活動時突然眼泛淚光向傳媒表示有重要事宣布：「我同豪仔分手！幾個月前已經有咁嘅決定！我唔會講（分手）原因。（聯絡？）分咗手都係朋友。」對於分手數月後才公開，她無奈地說：「我想沖淡啲件事先。（係邊一方問題？）愛情冇話邊個啱邊個唔啱，大家努力付出過，都未必Work，所以最後做咗呢個決定！（邊個提出？）大家有共識，希望今次講完之後就唔好再講呢件事！」

分手無先兆

雖然思琦強調與豪仔有共識，但據知豪仔數日前才接獲分手「通知」，當時流着淚的思琦，除指有第三者Andy介入外，更以一個男人不能接受的理由向豪仔攤牌。由於豪仔一直打算與思琦結婚，當聽到該個男人最痛的理由時，頓感晴天霹靂，加上豪仔也認識該名Andy，更在微博上關注對方，故此他實在萬料不及這位原是思琦中學同學的Andy便是程咬金！有指情緒瀕臨崩潰的豪仔至今仍未能接受現實，李家上下均擔心他做傻事，連日來不敢離開半步。知情者又指豪仔不能接受事實，是因為思琦雖然於兩月前搬離李家進駐自己購買的將軍澳清水灣半島「長住」，但期間一星期會回豪仔家過夜，直至兩星期前情況依然，加上還有大批私人物品留在李家，所以分手對豪仔來說毫無先兆。

被飛講到喊　

思琦宣布分手後，記者即聯絡豪仔追問思琦是否以一個男人不能接受的理由提出分手？豪仔既不承認亦不否認，只直認心情尚未平復：「我仲未接受到，唔知講咩好，思緒好混亂，我遲啲會出嚟交代。」而思琦事後亦拒絕回應是否有第三者介入。

直至昨晚七時半，豪仔在父親李家鼎陪同下到電視城為新劇《拳王》開工，全程木無表情的他，經不起傳媒追訪開腔談分手，忍不住數度嗚咽，與悉心打扮出席活動的思琦成強烈對比。豪仔說：「真係唔知點解！不嬲都冇事，我今日都未聯絡到思琦，都唔知道點解（佢）會咁講，前日通過電話，仲係男女朋友咁！（一度嗚咽）都唔知發生咩事，點解佢有咁嘅決定，大家咁多年一齊都有付出。」之後情緒激動的他要求中止訪問。而鼎爺獲悉思琦指兩老一早知情後，激動爆粗：「佢黐線o架！我都唔知咩事，仲Plan緊結婚。（分手有無先兆？）邊有呀？死人都有先兆啦！上個星期都仲同佢食飯。」而被指是第三者的Andy，則巧合地在微博留下勝利宣言：「十一年的感情終於有了結果。我將會盡最大的努力，照顧和愛護她。我相信我一定能讓她幸福！」