汪明荃：最緊要兩個小朋友
羅家英和汪明荃合演的大型粵劇《德齡與慈禧》，昨日宣布於8月假演藝學院進行第三度公演，看着謝霆鋒長大的阿姐，沒有留意對方日前在記者會上的獨白：「佢咁大個仔，成三十歲，都應該識得處理！一對夫婦嘅嘢外人係睇唔到，應該尊重佢哋，最緊要係兩個小朋友，佢哋又咁可愛。（傳爭撫養權？）唔清楚，呢啲係佢哋嘅事。（鋒芝應沉默？）佢哋想點就點。不過佢哋係成年人又有細路，要為自己講過嘅嘢負責，希望佢哋冇事！」她又稱未有致電狄波拉。
至於消瘦不少的家英哥，自言由147磅降至139磅，腰圍也瘦至29吋：「我估計係糖尿病，所以要戒口，連食杧果都只食三分一，之前入院係做檢查。」對於鋒芝婚變，家英哥說：「希望大事化小，小事化無，無事化好事，唔係為錢，又唔係為啲咩，咁大風浪（床照事件）都過咗啦！希望佢哋唔好見咁多記者，講少啲嘢，同埋啲人唔好興波作浪，寧教人打仔，莫教人分妻！」
看着謝霆鋒長大的汪阿姐，最關心鋒芝兩個兒子的感受。